2026
En toen waas 't 4 jannewarie, ein witte daeke bedekdje 't landj en wae ginge biej de prins versiere. Waat ein fieëst. 't Waas neet allein fieëst mer 't versiere waerdje auch nog drök bezoch.
In rap tempo waerdje de baesems gesjtaoke om Häör om te duipe in ein vastelaoves dörp, dit jaor weer mieër es väörgaond jaor.
Oos sjtök in de Sjaopsgezet, ein ode aan Jac Driessens alias Dries Jacksens veel bie hem in gooi äërd.
17 jannewarie, fieëste oppe wei mit Siem en Roaj 'ns. De hoeagwaerdigheidsbekleijers koste nao hartelust aendjes vèsse, eine waare kompetiesie woeabiej de poedelpries nao de Lemkes ging, eine cheque van € 444,44 es biejdraage väör de aansjaf van nuuj sjteeke.
1 febrewarie trokke wae nao de Gaaskaetel in Venlo woea 't driesjpan Dennis, Dennis en Dennis recepsieerde, ein van die waas oos aodlid Dennis Niekens.
De vastelaovendj verleep zonger verder noemenswaardige bezunjerhede. Vastelaovesdinsdig waerde de pop precies op tied in brandj gesjtaoke en Bacchus sjprong zonger eine poeat te braeke in 't badje. Aswoonsdig waerdje alles netjes opgeborge en de dao-op volgendje zunjig waerdje Bas es nuuj lid gekaoze en gaof Paul aan in september te wille sjtoppe es väörzitter.
Vanwaege de vaastsjtelling van het definitieve huishoudelijk reglement waerdje op 19 april ein extra vergadering ingelast. Tiedes dees vergadering waerdje Bas aangesjteld es opvolger van Paul, Paul blieftj hem nog ein jaor begeleiden.
Guus Beckers waerdj aangenomme es adspirant lid
Op 29 mei is de Sjaopswei veldjmeister biej de wedsjtried van de KSV-legends taege de Sjaopsköp biej gelaegenheid van 't 100 jaorig jubileum van KSV.
Op 7 mei eindelik weer ins ein zomer uitje, ein gesjlaagde activiteit mit ein wc-potten rees, ein rondjleiding door de brouwsjuur in Weert en väöral väöl beer.
 |
van 2020 toet 4x112020 2021 2022 2023 2024 2025 2026 |