2025
't jaor begos nog mit de letste resjes nuuj versieringen maake, en ze mooge d'r zeen. 't Waas ein hels karwei mer 't is gelöktj, mit plaatse waas de verf zelfs drueg. Gans väöl dank aan Daniëlle
Om de baesems te kinne hange waas 't tied väör nuuj leijers, gelökkig zeen ze net langk genog.
Uniek in de weiversieringen: de jeugdprinses Kyra kriegtj waerdje wieze van oetzunjering en omdet d'r twieë bek Juup gesjponsordj zeen, op twieë plaatse ein versiering, ein in Häör biej pap en ein in Haele biej mam.
In aanlaup nao de vastelaovendj bereikte os 't bericht det 't deevegilde op paad waas, tiedes ein nachtelikke sjtruiptocht haaje ze ein aantal baesem buit gemaaktj. Gewlökkig koste wae ze dankzij sjlum däörbelle en betroewbare info, sjnel ontmaskere en de gesjtaole baesems truukvinje.
Biej de Spar zeen de eige ontwerp Sjaopswei buttons te kaup.
Fieëste oppe wei waerdj ein fieëst mit Dennis es Jomanda, Joris es ziene kwakzalver en optraejes van W-Dreej, Raoj'ns en Danny Pouwels.
Tiedes de vastelaovendj is niks biezunjers gebäördj, behalve den det biej Prins Tom ein deil van de versiering geklauwtj waas, en auch weer truuk gevonje.
Noemenswaardig is det jeugdprins Siem in het sjlotbetoog ziene "vastelaoves-oom" Piewie perseunlik bedankdje.
Aafgelaupe, de versieringen gaon dit jaor neet allemaol truuk nao de weicontainer, ein deil geitj nao de loeads om nog aaf te wirke om vervolgens nao 't Haeles Brook te gaon woea Daan d'r de letste handj aan ligtj.
Tiedes de evaluasie vergadering numt Jimi vanwaege te drökke bezigheden aafschied es lid van de Sjaopswei.
Omdet d'r bepaoldje zake woore diej 't daagleech neet gans koste verdraage waerdje ein ingelaste vergadering gehaoje in 't scouting gebouw.
En den, in-ens oet 't niks waerdj 't duuster baove de wei, op 22 juli bereiktj os 't bericht det oos zeer gewaardeerdj lid en oad-väörzitter Ton is äöverleeje. Wae gedinke hem mit een bericht op feesbook. Det Ton de wei ein wewrm hert toedroog bleek waal in de optocht van dit jaor; Davy in weipak väör ein einmans orkes, klaor om te fieëste oppe Sjaopswei. Ton ziene leste daad richting Sjaopswei....
Joris besjloetj, vanwaege te drökke werkzaamheden, om neet aktief lid te waere, hae blieft waal op de achtergrondj mitdrejje.
De ellefdje vanne ellefdje äöpene wae mit ein klein fieësje, 't vernuujde kenon is 3x11 jaor jonk.
Tiedes 't baesems maake kriege wae hulp van de kersverse prins Koen en adje Sjriek.
Op de valreep van 2025 besjloete Bas Raemakers en Roy Jacobs ein stagejaor aan te gaon biej de Sjaopswei.
 |
van 2020 toet 4x112020 2021 2022 2023 2024 2025 2026 |