2024
2024 is good van sjtart gegange, op 2 januari waerdje al biej prins Ruud versiertj.
De lang verwachte äöverjasse zeen eindelik klaor.
Oppe leedjesaovendj in de Beatrixzaal score wae de iërste plaats mit 't nummer "de Postkoets" oetgeveurdj door Jimi, Danny en Dennis.
Fiëste oppe wei waerdje gans anges van opzit, de kebuiterkes verdweene van de Kios. Gefiëst waerdje in de tent väör aan de Kirk.
Wae haaje sjtumbösse op versjillendje plaatse rondjgezatte, men kos dae middels ein breefke vraoge sjtelle aan prins, jeugsprins(es) boer, boerin of Bacchus. Tiedes 't fiëste waerdje dees vraoge gesjteldj waat dök hilarische antwaorde opleeverdje. En neet te vergaete, wae haaje auch nog optraejes van Springlaevend, Raoj 'ns en Ziejsjoem. De prissentasie waas in henj van Danny en nuujkommer Dennis, de 2D's.
Tiedes fiëste waerdje Luc de Seriere offisjeel ingeliefdj.
Väör 't versiere biej kinjerboer Morris motte wae de Maas äöver, gans nao Oolderveste, en auch dao waas "t drök.
Superkids 2024 mit de Sjaopwei achter de bufetten, de opbringst van dit werke höbbe wae volledig gesjonka aan de damesgarde.
05 juli 2024, eine zjwarte daag: ein of angerre onverlaot mit ein liëger IQ es ein koe en minder hersencellen es eine goudvés en es onkroedbranjer in deenst van de geméndje haet 't letste sjtökske graas op wei versjangeleertj. Mit ziene onkroedbranjer haet hae 't greun kunstgraas verangertj in eine zjwarte woestein. Dankzij TopKunstGras zuutj 't d'r eine daag later weer prima oet.
De ellefdje vanne ellefdje: Davy kumtj es bode op ein sjtokpaerdje ein vreugdevol boeadsjap bringe, effe later kumtj kunderke es thuisbezorgdbezorger op ein elektriese sjtep de rest van de sjpraakmakende tekst bringe. Dit sjpeeltj zich net es väörig jaor weer aaf op de trappe vanne kirk.
De letste drie maondj waerdj d'r ontworpen, gezaegd en geverfdj, kortom de versieringen waere opgeknaptj of gans vernuudj.
Op 1 december heele de Sjaopsköp biej gelaegenheid van de 6x11de prins eine gezellige middig (laes:gein recepsie). Tiedes deze middig höbbe wae de väörzitter de sjläötel van de nuuj gebroekdje hijsbare baniermast äöverhandigd en de mast inne Postkoets neergelag.
 |
van 2020 toet 4x112020 2021 2022 2023 2024 |